Pavia e provincia: Pavese, Oltrepò Pavese, Lomellina, eventi, spettacoli e manifestazioni di Pavia e provincia
sabato, 26 settembre 2020 (1107) Qual Buon Vento, navigante! » Entra


 
Articoli della stessa rubrica
» Incontro con Roberta Preda
» Preghiera semplice d’un fiulin vegg
» Oltrepoesia
» Kairnac ‘07
» Serata Mehr
» Un dì 'd marcà
» La Poesia venne a cercarmi
» I Pruèrbi dal Gipunàt
» Primavera
» Dì d'inverän
» La scüdela 'd lègn dal nonu
» Pavia a culur
» Tramont Paves
» Gli amici dei poeti

Vedi archivio

 
Altri articoli attinenti
» Vacchi e Bossini agli Incontri Musicali del Collegio Borromeo
» Carnevale al Museo della Storia
» Leonardo e Vitruvio. Oltre il cerchio e il quadrato
» Vittorio Sgarbi e Leonardo
» Narrare l'Antico: Sole Rosso di Grazia Maria Francese
» Squali, predatori perfetti"
» Visual Storytelling. Quando il racconto si fa immagine
» I linguaggi della storia: Il formaggio e i vermi
» Giornata della memoria. Il cielo cade
» Pretesti per una mostra. Sergio Ruzzier a Pavia
» La Storia organaria di Pavia
» Postazione 23
» Libri al Fraccaro
» Il "Duchetto" di Pavia
» La cospirazione dei tarli
 
Pagina inziale » Cultura » Articolo n. 545 del 5 agosto 2000 (4941) Condividi su Facebook Stampa Salva in formato PDF
Gh'er' una volta

In di nostar campàgn
i gh' dàvan un surnum
a quèi di àltar paes
par sentis püsè fürb.
I'eran quàsi di ufes.

Gh'er' nò 'd fàs sentì
a ciamài cul surnum
in dal post sbaglià!
At risciàvat da ciapài
e fa svèlt a scapà.

Gh'era quèi ad Belgius.
I'a ciamàvan "Brüsacrist"...!
Forse l'era parchè
i' èr'n a stàt cun Garibàldi
e cuntr' al "Pàpa Rè".

Gh'er' quèi ad Linarö
ch'i 'eran ciamà "Sücot"...!
Parchè i' er'n ustinà...?
Mi n'ho cunusü 'n po'...
"Sücot"? Sì! A laurà!

Gh'er'anca quèi da Scon.
La gent di àltar paes,
si vurivan cuiunai,
i'a ciamàvan "I gialdon"!
Forse gh'er' la ragion.

I'er'n i bigàt d'la seda
che lur i tegniv'n in cà.
Gh'è 'd fàgh tant ad capel!
Mi ho vist in cà mia
i fadigh a ch'gh'er' da fa!

Da quand lur i'èn nasü
a quand i s'fan la cà
gh'è nò 'd fàgh ciapà ària,
dàgh sempar da mangià
la föia! E pö... spasà.

La storia püsè gràma
(pensi ch'la pö ves vera,
ben poch gh'er' d'inventà)
l'erquèla chi cüntavan
ch'l'er' capità a Marsgnà.

L'er' al növcentdasnöv.
In gir fàm e miseria.
Gh'er' mia 'd laurà
par quèi nò mort in guèra
e par quèi nò mort a cà.

Cun di bèi utumobil
d'imbruion delinquent
i s'èn fermà a Marsgnà.
I cercan un po' 'd gent.
"Gh'è 'l Piàve da spasà".

"Andè nò in gir a dil
parchè i post i' èn poch.
Un cuntràt ad ses mes
durmì e mangià pagà!"
S'er' mài vist in paes

una furtüna simil?
Insì tanti danè
i' avrisan mài ciapà!
Àltar che in ses mes...
In ses àn ad laurà!

I gh'eran sì di risc...
(... 'na bomba nò sciupà...)
Par ves asicurà
"Quatordas e vutanta"
cul viàg, gh'er' da pagà.

I'èn restà là fin sira
par ciapà i so danè.
Pö lur cul so badì
i duivan fàs truà
in paes da lì a trì dì

che pö i rivàvan lur
cui camion par al viag
a pià sü i furtünà
che "Quatordas e vutanta"
i'eran riesì a pagà.

Ma quèi ad Marsgnà
i'a spetan un mò incö!
"Quatordas e vutanta"
s'at vö nò ciapài sü
't pö nö 'ndà là a vusà!

Pö 'd guèr a ch'n'è gnüd tanti.
Tanta fàm e miseri....!
I povar, di paes
me quèi a d'la cità,
i van sempar da mes!

L'è 'ndàta tan'me sempar.
Lur ch'i gh'entràvan gnent
i'èn quèi a ch'l'an pagà.

Tüt al mond l'è paes.
Par fàgla a vün di fürb
l'è 'sé un fürb e mes!

Belgius - Belgioioso,
Linarö - Linarolo,
Scon - Zeccone,
Marsgnà - Marcignago.

 
 Informazioni 
 

Mario Devoti

Pavia, 05/08/2000 (545)

RIPRODUZIONE VIETATA
www.miapavia.com è testata giornalistica, il contenuto di queste pagine è protetto dai diritti d'autore.
In caso di citazione o utilizzo, si prega di evidenziare adeguatamente la fonte.



MiaPavia è una testata giornalistica registrata, © 2000- 2020 Buon Vento S.r.l. - P.I. IT01858930181
Tutti i diritti sono riservati - Chi siamo - Contatti - Mining pool