Pavia e provincia: Pavese, Oltrepò Pavese, Lomellina, eventi, spettacoli e manifestazioni di Pavia e provincia
giovedì, 17 ottobre 2019 (266) Qual Buon Vento, navigante! » Entra


 
Articoli della stessa rubrica
» Incontro con Roberta Preda
» Preghiera semplice d’un fiulin vegg
» Oltrepoesia
» Kairnac ‘07
» Serata Mehr
» Un dì 'd marcà
» La Poesia venne a cercarmi
» I Pruèrbi dal Gipunàt
» Primavera
» Dì d'inverän
» La scüdela 'd lègn dal nonu
» Gh'er' una volta
» Tramont Paves
» Gli amici dei poeti

Vedi archivio

 
Altri articoli attinenti
» Piazza Fontana prima e dopo
» Domenica di carta
» Cristoforo Colombo a fumetti
» Hokusai, Hiroshige, Utamaro. Capolavori dell'arte giapponese
» EXIT hotel fantasma in provincia di Pavia
» Mario Tozzi a Kosmos
» Il gioco di Santa Oca
» Colore e tempo
» MathsJam
» Per un capriccio. 12 opere per Paolo Della Grazia
» Due elefanti rossi in piazza...
» Genius Loci. Arte Luoghi Sinfonie
» Appuntamento con l'autore
» "I colori della speranza"
» Il romanzo di Baslot
 
Pagina inziale » Cultura » Articolo n. 537 del 13 luglio 2000 (4303) Condividi su Facebook Stampa Salva in formato PDF
Pavia a culur
Pavia a culur

Quanti i'èn i paves ch'i guàrdan Pavia
e la vèd'na culur, la cità e 'l Tesin?
Cul cör in d'i occ e un pò 'd puesia?
In gir sensa prèsia pr'i strà, pian pianin?

I'èn tanti? I'èn poch? I's tegnan par lur
e gh'la dis'n a nesün, i paves, quèl ch'i vèdan.
Cun la nebia o cul ciàr l 'è 'na fèsta 'd culur.
Quand ca piöva o cul sù, d'estàd o d'invèran.

L'marciapè un pò gris, ad granì adrè 'l' mür...
Chì cambia 'd culur fin i bucc ad risà!
I strà vegg i'èn sulà cun i bucc quèi scür.
Ma in dè ch'i'an rifàt i 'èn tütt mistürà.

Quèi bianch i'a masnàvan par fà piàtt e bicier.
Tüt al mond i'a cumpràva: i'a pagàvan pusè.
I'a metivan da pàrt, i gerö, p'r i danè,
ch'agh n'era 'n gir poch... almen fin'a ier.

Ma un öv föra d'la cèsta l'an fàt anca lur.
In piàsa dal Dom quèi bianch i'an druà
par fàla gnì bèla. L'an fin disegnà!
Ma 'gh'piangiva 'l bursin, ad sicür... Che dulur...!

Dal prà vegna l'èrba; vegna l'àcqua dal ciel...
...e l'è mei fermàss chì. L'è 'n pruèrbi di vegg...!
In mes' i sàss gh'è 'n pò 'd'èrba, e 'nsi mür di cà vegg
in dè 'gh'è pü la calcina o gh'è rut i quadrel.

Gh'è 'l verd di giardin, dadré 'i müradel;
di volt i'a scavàlca, e 'l vegn'anca in strà.
Gh'è 'l verd d'la Rutonda e 'd Piàsa Castel
cui vegg, i murus, i fiö dré giügà.

Gh'è tanti palàsi, tütt bèi da guardà...
cui grili, i balcon cun i fiur. E l'è bèl...!
Cun l'ombra o cul sù, cui culur delicà...!
L'è 'n quàd'r ad pitur pitürà 'd acquarèl.

Ma l'è 'l russ al culur d'la nostra Pavia.
A gh'l um dumà nün cal russ chì, l'è 'n regal!
Cul ciàr dal mesdì o cul sù dré 'ndà via,
quand l'è bàss e 'l và giù, là'n sü, dré Canal.

L'è 'n russ un pò stràch! I'èn sécul ch'l'è là...
L'è 'l russ dal Pont Vegg, dal Brulèt, dal Castel,
L'è 'l russ di sò Tur, di mür vegg, di quadrel
mistürà cun i bucc; forse par risparmià...

Gh'è russ la bandera d'la nostra cità,
me i mür, cun la crus tüta bianca là in mes.
L'è tüt quèl che San Sir la lasà ai sò paves!
Una crus par Pavia: l'è la sò eredità.

Ma anca la nebia l'è 'n culur ad Pavia
La smorsa 'l fracàss e i pàss a d'la gent...
i'èn omb'r un pò scür ch'i vegn'n e i van via.
La sfüma i culur me'n pitur dal Vot'cent.

A la sera la sconda la lüs di lampion.
La và ben pr'i murus brasà sü a scüron...
As senta i suspir... L'è salüt pr'i pulmon!
I'èn lì 'n po' bagnà! Gut'i tècc e i pianton...

L'è bèl, a Pavia, quand l'è bèl, anch'al ciel.
Celèst me 'l mantèl di Madon dal Tresent.
'Na quèi nivula bianca burlà giù dal penel
me i stèl dal mantèl. I'èn nò ferm un mument.

Suta 'n ciel in sì bèl al Tesin l'è fin blö;
in mes ai spond verd al và 'n giù pian pianin,
al vent la carèsa, al risa sü tanti undin
che cul sù i fan la vegia, tan'mé tant lusarö.

Un quàd'r in sì bèl'l gh'à bisogn d'la curnis.
L'è 'l verd di sò prà, al giàld di sò ris,
l'è 'l bianch a d'la nev, l'è l'or dal furment,
i fiur d'la campàgna. Ma 'l pusè l'è la gent,
i Paves, tüt al rèst al vàr gnent.

Vurisi anca vèd
un pò 'd paves par Pavia
a god la cità
e la sò puesia
Gh'è dumà di furèst
ch'i vegn'n e i van via.
E 'd paves?... A gh'n'è mia!

 
 Informazioni 
 

Mario Devoti

Pavia, 13/07/2000 (537)

RIPRODUZIONE VIETATA
www.miapavia.com è testata giornalistica, il contenuto di queste pagine è protetto dai diritti d'autore.
In caso di citazione o utilizzo, si prega di evidenziare adeguatamente la fonte.



MiaPavia è una testata giornalistica registrata, © 2000- 2019 Buon Vento S.r.l. - P.I. IT01858930181
Tutti i diritti sono riservati - Chi siamo - Contatti - Mining pool